ફ્રી ગુજરાતી SMS's BLOG

 

“દરેક સ્ત્રી પોતાના પુત્રને શ્રવણ બનાવવા ઈચ્છે છે,
પણ કોઈ સ્ત્રી પોતાના પતિને શ્રવણ બનતા નથી જોઈ શક્તી.”

મારા વિચારો:- આજે બપોરે નવરાશના સમયે ‘દિવ્યભાસ્કર’ છાપું વાંચતો હતો ત્યાં મારી નજર રવિવારની પૂર્તિમાં આવેલા એક લેખ પર પડી.
લેખનું ટાઇટલ હતું ” બીમાર માં-બાપ ની ખબર પૂછવા માટે પત્નીની રજા લેવી પડે તે પુત્ર શું કામનો ?”
ખુબ સુંદર લેખ હતો માટે મને આ કોઈ મહાન વ્યક્તિએ લખેલી ઉપરની લાઈન યાદ આવી.
મોટા ભાગની દરેક સ્ત્રીમાં આ વસ્તુ જોવા મળતી હોય છે.
પ્ત્નીતો ઠીક પણ માં-બાપે જેણે ૨૦ વર્ષનો કર્યો તે પુત્ર પણ માં-બાપની અવગણના કરે છે.
ભલે માં-બાપ તમને સુખી જોવા માંગતા હોય એટલે કશું બોલતા ના હોય પણ તેમના દિલમાં કેટલું દુ:ખ થતું હશે તેની પુત્ર કે પુત્રની પત્ની ને શું ખબર.

આ વાત પર એક બીજી વાર્તા યાદ આવી તો લાવો કહી દઉં:-

એક ઘરમાં એક ઘરડાં માં-બાપ ને તેનો પુત્ર એક રૂમમાં બંધ કરીને રાખતો હતો. પુત્રએ તેમના માટે એક ઘંટડી લગાવી આપી હતી કઈ કામ હોય ત્યારે માં-બાપ ઘંટડી વગાડે.
આ બધું ઘરમાં રહેલો નાનો છોકરો પણ જોતો હતો. સમય વિતતો ગયો. એક દિવસ માં-બાપ મૃત્યુ પામ્યા.
એક દિવસ પુત્ર પેલી ઘંટડી છોડતો હતો ત્યારે પેલો નાનો બાળક આવ્યો અને તેને કીધું , “રેહવા દો પપ્પા તમે જયારે ઘરડાં થશો ત્યારે તે ઘંટડી તમારે કામ આવશે”.

તમે જેવું કરો તેવું તમારી સાથે જયારે થાય ત્યારે તમને તેની વેદનાનો સાચો ખ્યાલ આવે.